صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازم:
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة(
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح(
السؤال الأول:اختار من بين الأقواس الكلام الصح
اللي بنى هرم خوفو........... (طلعت مصطفى - المقاولون العرب - مقاول أنفار – خوفو(
اللي بنى مصر كان في الأصل......( حلاق - نجار - تاجر مخدرات - صلاح – حلواني(
البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج صباح الخير ............ (يا ماما - يا بابا - يا خالو - يا ريس - يا مصر (
بص في ورقتك يا حيواااان!
مصر هى أمي نيلها جوا...........(عبي - بطني - رجلي - جيبي - دمي (
رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق (
السؤال الثاني:أكمل الجمل الآتية بكلام م الآخر
انتبه من فضلك السيارة ترجع إلى............ ......... ...
ماما زمنها............ ......
من خلال تجاربك السابقه ....البامبرز
_____
المصدر
ليست هناك تعليقات:
إرسال تعليق